☼☼ مريم ..أنا بنتكس ☼☼ مسلسل جديد تابعونا

أم عُميـــــر · 04-01-2011, 07:43 PM

ِ

تدور أحداث هذه القصة بين مريم والتي تكبر

رانيا قليلا وقد جمع بينهما الحب في

الله ولطالما تعرضت رانيا لمشاكل كثيرة بسبب إلتزامها

بطريق الله عزوجل وعدم توافر الأسباب المعينة ..

وفي النهاية قررترانيا الذهاب إلي صديقتها مريم

لتقص عليها ما بها .. وكيف السبيل إلي الوصول إلي

رضا الله عز وجل ..

خرجت رانيا من المنزل وهي ترتدي الزي الشرعي

الذي لطالما جاهدت من أجل أن ترتديه ولكنها لم تعد

تشعر بقيمته وكأنها إعتادت عليه ولم تذكر الله عند

خروجها من منزلها وسارت هائمة علي وجهها ما بين

اليأس والإحباط إلي أن وصلت إلي منزل مريم ..

باب عليه

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1024x512 الابعاد 619KB.

ثم

وإذ برانيا تطرق الباب وقد أجهد رأسها التفكير في

حالها وما بها من فتور وما حولها من صراعات

ومشاكل

وبعد برهه من الزمن

مريم : من ؟؟

رانيا : رانيا

مريم : ثواني يا حبيبتي

وبعدما فتحت الباب

رانيا : السلام عليكم ورحمة الله وبركاته

مريم : وعليكم السلام ورحمة الله وبركاته

تعالي إتفضلي .. (وأدخلتها حجرتها ) كيف حالك

يا حبيبتي ..أخبارك إيه أنا دايما بسأل عليك في

الدروس وبسأل عليك أصحابنا كتيييير ولكن مفيش أي

أخبار عنك ..

حاولت أتصل بيك كتير ولكن دايما موبايلك مغلق ..

يارب يكون خير

رانيا :(وقد بدأت في البكاء ) أنا بنتكس يا مريم

مريم : ليه بس بتقولي كده يا حبيبتي ..

رانيا : في بداية إلتزامي سبحان الله وغير كل الناس

كان والدي ووالدتي سعيدين جدا بالإلتزام وحاسين إن

لبسي هيتغير للأفضل وإني هحافظ علي الصلاة وكانت

سعادتهم غامرة .. كنت بحفظ معاكم وبقابل الصحبة

الصالحة وبزيد يوم بعد يوم .. ولكن أصدقاء والدتي

والجيران أقنعوها إني هبقي من المتشددين وإن كل

حاجه في حياتي هتكون حرام ..

ومن هنا بدأت المشاكل ..

عندما أستيقظ من النوم لصلاة الضحي أمي آآآآآآآآه

المسجد فتح الحمد لله !!

عندما أقول دعاء قبل الطعام إيه يا بنتي بتكلمي نفسك

إيه اللي حصل لك !!

عند صلاة الظهر ايوه افضلي صلي طول النهار !!

لو أمي شافت معايا كتاب غير كتب الدراسة ..إيه يا

بنتي هو هتمتحني آخر السنة في زاد الميعاد والرحيق المختوم !!

وهكذا طول اليوم إعتراض علي جميع تصرفاتي

وكمان بدأت أمي تبعد عني أي سبب للثبات فبدأت

أشعر بفتور شديد وكمان المشاكل بتزيد يوم بعد يوم

وأنا تعبانه وأخذت رانيا في البكاء ..

(صوت من المطبخ )

مين يا مريم ؟؟

مريم : دي رانيا صاحبتي يا أمي

أم مريم : (وهي بتنشف إيديها وماشية لأوضة مريم )

أهلًا وسهلًا .. إزيك يا حبيتي و(تسلم علي رانيا )

معلش إيدي مبلولة

لازم تتغدي مع مريم النهارده

رانيا : معلش يا خالتو المرة الجاية لأني مستعجلة

بس ..

والدة مريم : مالك يا حبيبتي كنتي بتبكي ؟؟

رانيا : الحمد لله

والدة مريم : طيب أسيبكم تكملوا كلامكم ..

(وما أن ذهبت والدة مريم إلي المطبخ ) وإذ بها تنادي

مريم .. يا مريم

مريم : أيوة حاضر يا أمي ( مسرعة إلي المطبخ )

والدتها : إتفضلي يا حبيبتي وما تسيبيش رانيا إلا لما

تأكل

مريم: حاضر يا امي

(ذهبت مريم إلي غرفتها )

مريم : السلام عليكِ ورحمة الله وبركاته

رانيا : وعليكم السلام ورحمة الله وبركاته .. ليه كده

بس تاعبه نفسك ليه

مريم : خالتك أصدرت قرارات عليا لاااااااازم هتأكلي ..

يللا إتفضلي سيادتك مش صغيرة عشان أكلك ..

رانيا : جزاكم الله خيرًا

وبدأت مريم في كلامها

بصي يا رانيا يا حبيبتي .. إحنا نقسم المشاكل عشان

نعرف نحلها .. المشاكل اللي عندك في نقطتين

✏الأولي :مشاكل من برة من البيئة المحيطة

✏الثانية:مشاكل من نفسك من داخلك إنتي ..

وقبلها عاوزة أوضح لك حاجة واحدة بس ..إنتي في

بيئتك أو في بيتك أو في جامعتك .. صورة عن

الدين ..شهادة عن الدين ده ..لو الظروف غيرتك

يبقي الشهادة دي معلش شهادة زور .. مش أصلية ..

وكأنك بتقولي للناس ده مش الدين ..أنتم صح ..أنا

آسفة

لكن لو ثبتي وصمدتي في الفترة البسيطة فإنتي كده

بتضعي قدمك علي طريق بدايته في الدنيا ونهايته

هناك في الفردوس الأعلي .. ومش هتكوني أول

واحدة فيه ده أنتي هتكوني ماشية في ركب الإنبياء ..

وبصدق هتخلص الفترة دي وهتلاقي التمكين بس

لازم الإبتلاء وبعده التمكين ..وساعتها هتكون كل

الظروف دي بالنسبة لك ذكريات وفقط ..

فإختاري يا حبيبتي ..

نظرت رانيا إلي ساعة الحائط ..

آسفة يا مريمإني بقاطع كلامك ولكني إتأخرت

خالص

مريم : طيب يا حبيبتي كنت عاوزة اكمل كلامي

معاكي ..

رانيا :(وهي تنظر إلي الحقيبة والقفاز ) وأنا والله

بس أنا إتأخرت أوي ..

مريم : طيب أكلمك تاني إزاي ؟؟

رانيا :هحاول أتصل عليكي ووالدي ووالدتي بره

البيت ..

مريم : ربنا يطمني عليك يا حبيبتي

رانيا : ما تنسينيش من صالح دعائك ..

مريم : حاضر يا حبيبتي

(خرجت رانيا من حجرة مريم متجهه نحو الباب )

والدة مريم : إيه يا رانياماشية بدري ليه يا

حبيبتي ..

رانيا : معلش يا خالتو بس إتأخرت

والدة مريم : براحتك يا حبيبتي .. ربنا يوصلك

بالسلامة

رانيا : السلام عليكم ورحمة الله وبركاته

مريم ووالدتها : وعليكم السلام ورحمة الله وبركاته ..

...تري ما الذي ستفعله رانيا .. وهل ستتمكن من

التواصل مع مريم .. إنتظرونا في الحلقات القادمة ..
مما راق لي فنقلته لكم فانتظروناااااااا

الموضوع الأصلي: هنا | المصدر: حفيدات خديجة

04-01-2011, 07:52 PM

ماشاء الله جميلة ربنا يبارك فيكم أختنا أم عمير نسأل الله الثبات على الحق إلى أن نلقاه سبحانه وتعالى

04-01-2011, 07:55 PM

ماشاء الله لا قوه الا بالله
موضوع فوق الرائع اختى فى الله"ام عمير"
جزاكى الله خيرا عليه فكرته جميله جدا ومشوقه
احنا فى انتظارك فلا تتأخرى علينا

04-01-2011, 11:04 PM

ما شاء الله مواضيعك جميله ربنا يجعله فى موازين حسناتك ولا يجعلك تنقطعى عن عمل الخير

04-02-2011, 03:06 PM

ما شاء الله و تبارك الله جزاك الله خيرا أختي في الله أم عمير و جعل عملك هذا خالصا لوجه الله و جعله في ميزان حسناتك إنه ولي ذلك و القادر عليه.:

أم عُميـــــر · 04-02-2011, 03:40 PM

::::الحلقـــــة الثانية ::::

وفي المساء جلست مريم متكئة علي مكتبها وهي تفكر في رانيا

وحالها .. تتذكر يوم أن تعرفت عليها في حلقات الحفظ .. وكيف

كانت همتها في حفظ كتاب الله .. تذكرت تلك الأيام التي كانت

تنتظر رانيا فيها في المسجد أوقات الصلاة وما بعدها لتنصح تلك التي

لم تغطي قدميها .. وهذه التي وضعت المكياج .. وتوزيعها

للشرائط والمطويات ..

جعلت تتذكر ذاك اليوم الذي أنهت فيه رانيا سورة البقرة .. لتأتي

في اليوم التالي بوجه منير ..لتخبر صديقتها بأنها قد قامت بها

الليل شكرا لربها ..

وفي تلك الأثناء ..إذ بصوت هاتف مريمالمحمول يرن

إنها رسالة من رانيا .. جزاكي الله عني خير الجزاء

أسرعت مريم تتصل عليرانيا لتجد هاتفها مغلق ..

ومرت الأيام ومريم تدعو لرانيا وتدعو الله أن تقابلها أو أن

تتحدث معها ..

وذات ليله

إذ بهاتف مريم يرن ..إنها رانيا ..

مريم : السلام عليكم ورحمة الله وبركاته ..

رانيا : وعليكم السلام ورحمة الله وبركاته

معلش يا مريملو رصيدي خلص إتصلي عليا

مريم : طيب اقفلي يا حبيبتي وأنا هتصل بيك وأصرتمريم علي

ذلك

وإتصلت مريم برانيا

مريم : السلام عليكِ ورحمة الله وبركاته

رانيا : وعليكم السلام ورحمة الله وبركاته

مريم : إزيك يا حبيبتي .. وحشتيني جدا ربنا يعلم أنا بفكر في

حالك إزاي وبدعيلك كتير جداااااا ..

رانيا : ربنا يجزيك خير يا حبيتي .. والله بالرغم من أن كلامك

المرة الي فاتت كان بسيط لكني كنت زي الواحد العطشان اللي

نفسه يسمع أي حاجه عن ربه ..

مريم : طيب اتكلمي يا حبيبتي فيه حاجه جديده ؟؟

: لأ ..أنا هسمعك وبس

مريم : طيب يا حبيبتي إنتي إخترتي ولا لسه ..

رانيا :(بصوت مبتسم) طبعا ومن زمان

علي العهد يا سيد المرسلين ... بروح قوي وجسم طعين

سنمضي ورائك مر السنين ...بلا رجعة وليكن ما يكون

شعرت مريم بقشعريرة في جسدها ودمعت عينيها قائلة . ربنا

يبارك فيك يا حبيبتي ويثبتك اللهم آمين

مريم : بصي يا رانيتي ..بالنسبة لمشاكل البيت كده كده هتزول

لكن أنا عاوزاها تزول وإنتي مستفيدة جدا .. إنتي عارفة أنا

سمعت مرة الشيخ بيقول بعض العلوم لا تُتعلم إلا من الفقر ..

بعض العلوم لا تٌتعلم إلا من المرض .. بعض العلوم لا تٌتعلم إلا

بالإبتلاء ..عاوزاكي تخرجي مستفيدة مليون % لأن كل شئ

يقدره الله عز وجل لحكمة مهما كان الموقف صعب ومؤلم ..الله

عزوجل نزه نفسه عن العبث عاوزين ننظر للمشاكل الحالية نظرة

سليمة عشان يكون فيه ثبات وحكمة وطبعا عاوزاك تفتكري

حديث الرسول صلي الله عليه وسلم (من جعل الهموم هما واحدا

هم الميعاد كفاه الله ما أهمه ) ..

تتصرفي إزاي إستفرغي وسعك يا حبيبتي في الطاعات والفوز

بيها .. وطبعا الأجر علي قدر النصب وداومي علي

الإستغفار ..غير كده ذكري نفسك دايما بأن فيه ثمرات عظيمة

للجو ده ..

* الفوز بالجنة

تخيلي يا رانيا محنة في الدين عشان تفوزي بالجنة .. عارفة

إزاي ؟؟

رانيا : لأ ..إزاي ؟؟

مريم : إحنا مفكرين إن إبتلاءات الدنيا دي تدخلنا الجنة بفضل

الله ..لكن إبتلاءات الآخرة !!

" أَمْ حَسِبْتُمْ أَن تَدْخُلُواْ الْجَنَّةَ وَلَمَّا يَعْلَمِ اللّهُ الَّذِينَ جَاهَدُواْ مِنكُمْ

وَيَعْلَمَ الصَّابِرِينَ " طيب إزاي هيكون الجهاد والصبر بدون محن !!

المحنة تخليك تصبري وتجاهدي عشان الطاعة مش تستسلمي

وخلاص ..وده الهدف من المحنة ..

* تميز الخبيث من الطيب

رانيا : (صوت في الهاتف من بعيد رانياااااااا يا رانياااا) معلش يا

مريم تقريبا والدي ووالدتي رجعوا يللا السلام عليكم

مريم : وعليك السلام ورحمة الله وبركاته

تغلق رانيا هاتفها وتذهب إلي والدتها ..

ماذا ستفعل رانيا مع والدتها .. وماذا ستفعل مريم للتواصل مع

رانيا

إنتظرونا في الحلقة القادمة ..

04-02-2011, 03:55 PM

جزاكم ربى خيرا فى انتظار البقيه ان شاء الله

04-02-2011, 06:02 PM

جزاكِ الله خيرا اختي الغالية

أم عمير

وبارك فيكِ

وفقنا الله وإياكن أختى لما يحب ويرضى

سلمت يداكِ أختى .

ثبتنا الله وإياكن على الحق أختى
طبق الفاكهة يفتح النفس كان لابد من العزومة

04-02-2011, 06:18 PM

جزاكي الله خيرا وننتظر جديدك

04-02-2011, 06:32 PM

ما شاء الله
طريقة راااائعة في التوجيه
أسلوب رااااائع
بارك الله في كاتبه وناقله
بانتظار التتمة في شوق

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري

☼☼ مريم ..أنا بنتكس ☼☼ مسلسل جديد تابعونا

. . ₪₪ القـصـص والرقائـق ₪₪ . .